EFE.- Un lucense foi estafado mediante a utilización dun correo electrónico que simulaba a dirección oficial da Dirección Xeral de Tráfico e na que se lle notificaba unha suposta multa.
Segundo informou a Comisaría Provincial de Lugo, para ver a citada multa a persoa estafada tiña que picar nunha ligazón, desde a cal os delincuentes informáticos puideron descargar a súa información bancaria e perpetrar a estafa.
Aínda que se detectaron máis casos deste tipo no ámbito nacional, de momento o Corpo Nacional de Policía só ten constancia da existencia dun caso en Lugo. Para evitar este tipo de situacións, lembra que as notificacións das administracións públicas realízanse ou ben por correo ordinario certificado ou con publicacións nos respectivos boletíns oficiais. Ademais recomenda “ser moi cauteloso e coidadoso coas claves do computador”.
