Dúas persoas resultaron feridas na tarde deste luns nun accidente de tráfico ocorrido na cidade de Lugo e no que se viron implicados tres vehículos.

En concreto, segundo a información do CIAE 112-Galicia, o suceso ocorreu sobre as 15,30 horas, concretamente na Praza Fonte dos Ranchos, á altura do cruzamento coa rúa Quiroga.

Ata a zona desprazáronse efectivos da Policía Local, Protección Civil e Bombeiros da cidade, así como unha ambulancia do 061, que trasladou os feridos ao centro hospitalario de referencia.

Por outra banda, sobre as 17,00 horas deste luns tivo lugar outro accidente de circulación, esta vez na localidade de Miño, polo que precisaron asistencia sanitaria catro persoas.