InicioSucesosTres detidos por agredir e roubar a un menor en Lugo seguen...

Tres detidos por agredir e roubar a un menor en Lugo seguen en comisaría á espera de pasar a disposición xudicial

PUBLICADA O

- Advertisement -

O tres detidos maiores de idade en relación á agresión e o roubo a un menor en Lugo na noite do sábado permanecen en comisaría á espera de pasar a disposición xudicial nas próximas horas.

Así o confirmaron a Europa Press fontes policiais, que indicaron que a Policía Nacional “está a terminar o atestado” en relación a estes feitos e está previsto que este luns pasen a disposición xudicial os detidos no xulgado de garda.

Axentes da Policía Nacional e da Local despregaron na noite do sábado un operativo na zona de Campo Castelo que se saldou coa detención de catro persoas, dous homes e dúas mulleres –unha delas, menor–, por supostamente agredir e roubar a outro menor, de 17 anos, que precisou ser trasladado ao hospital.

Os catro apresados son persoas novas e delincuentes habituais, segundo indicaron fontes próximas ao operativo. Precisamente, algún deles contaba con algunha reclamación xudicial.

Os feitos ocorreron pasadas as 22,30 horas do sábado nunha zona bastante concorrida do centro de Lugo. Os catro presuntos responsables escondéronse nun piso próximo ao lugar tras ameazar, agredir e roubar diversos efectos persoais ao menor. Desde o edificio, lanzaron á rúa diferentes obxectos como botellas. No lugar personaronse patrullas da Policía Nacional e a Local, que cercaron a vivenda ata que conseguiron entrar e detelos.

ÚLTIMAS

Colisión frontal en Lugo deixa tres persoas hospitalizadas

Tres persoas resultaron feridas e unha delas tivo que ser excarcerada tras unha colisión...

O Concello de Lugo reclama á Xunta a recuperación inmediata do antigo cuartel de San Fernando

O Concello de Lugo reclamou á Xunta que execute de inmediato a recuperación do...

A Deputación de Lugo impulsa unha campaña para apoiar ás familias na volta ao cole

A Deputación de Lugo e a Federación Galega de Comercio lanzaron este venres na...

Sorprenden un home roubando unha bicicleta rompendo a cadea cun machete en Lugo

Axentes da Policía Local de Lugo sorprenderon na mañá do xoves a un home...