- Advertisement -
Un dispositivo de procura localizou na madrugada deste mércores en Baleira o cadáver dun sendeirista de Lugo do que se denunciou a súa desaparición a última hora do martes.
En concreto, trátase dun home de 53 anos que saíra a pasear sobre as 9,00 horas do martes. Ao non regresar, a súa familia interpuxo unha denuncia por desaparición ás 22,00 horas. O dispositivo de procura activado entón localizou o corpo do home sobre as 1,00 horas da madrugada na área da Marronda, no veciño municipio de Baleira.
Fontes da Garda Civil, que leva a investigación para esclarecer o sucedido, apuntaron que, en principio, “non se aprecian signos de violencia” no corpo, á espera de que se lle practique a autopsia ao cadáver.
