Un operario faleceu na tarde deste xoves no municipio lucense de Castro de Rei tras caerlle encima un bloque de formigón que estaba a manexar.

Segundo a información do CIAE 112-Galicia, o suceso ocorreu sobre as 15,30 horas no lugar de Prevesos, no termo municipal de Castro de Rei.

O operario, que traballaba para unha empresa de construción, conducía un camión que portaba diverso material, cando, ao manipular a carga, caeu unha peza de formigón encima, deixándoo atrapado.

Ata o lugar acudiron de inmediato os Bombeiros de Vilalba, que liberaron á persoa falecida, e os axentes da Garda Civil. O persoal sanitario do 061, que xa se atopaba alí, só puido certificar o seu falecemento.