- Advertisement -
Axentes da Policía Local de Lugo detiveron por un suposto delito de malos tratos no ámbito familiar a un home acusado de golpear ao seu pai septuaxenario.
Os feitos sucederon sobre as 23,00 horas deste domingo, cando unha chamada alertaba de supostos malos tratos familiares nunha vivenda da Praza de Alacante.
Na casa, os axentes foron recibidos por un home de 46 anos que manifestou que discutira co seu pai, ao cal empuxara.
A vítima, de 75 anos, atopábase na cociña do inmoble e dixo que fora agredido polo seu fillo, con resultado dunha fractura na perna esquerda. Tivo que ser asistido polo 061.
