InicioSucesosPolicías salvan a un bebé de dous meses en Lugo

Policías salvan a un bebé de dous meses en Lugo

O neno tiña a tez moi pálida e perdera a respiración tras sufrir un afogamento. Por outra banda, un peregrino chinés atopábase deambulando despois de ser vítima dun roubo.

PUBLICADA O

- Advertisement -

Axentes da Policía Nacional realizaron o pasado luns un traslado de urxencia en coche patrulla para salvarlle a vida a un bebé de dous meses na cidade de Lugo.

Os policías atopábanse na Rolda da Muralla nunha patrulla ordinaria de seguridade cidadá cando apareceu un coche tocando o claxon e acelerando. Alí, dúas mulleres que ocupaban o vehículo “manifestan que levaban un bebé de dous meses que se lles morría“.

Nese momento, os axentes observaron que o bebé tiña a “tez moi pálida e principio de livideces”. As mulleres indicaban que o neno perdera a respiración por un atragantamento e tiña refluxos.

Segundo informa a Policía Nacional nun comunicado, dado que “non daba tempo de esperar por unha ambulancia do servizo médico”, os axentes tomaron a decisión de subir ao vehículo ao bebé coas mulleres.

Así, foron levados a urxencias pediátricas do hospital de Lugo (HULA), onde foi o bebé foi atendido polos médicos e conseguiuse a súa recuperación.

ASISTENCIA A PEREGRINO

Por outra banda, axentes da Policía Nacional da comisaría de Lugo realizaron outra actuación para asistir a un home de nacionalidade chinesa que estaba a facer o Camiño de Santiago e que “se atopaba deambulando” pola estrada nacional V á altura de Baralla (Lugo).

Veciños alertaron ao 112 de que había un home en pantalón curto e camiseta que andaba pola estrada en dirección a Madrid. O home fora vítima dun roubo e non contaba con pertenzas nin documentación, mentres tentaba dirixirse a Barcelona, onde ten a coñecidos.

Unha vez en Lugo, despois de ser atendido polos servizos médicos da PAC do Corgo e derivado a urxencias do HULA, foi trasladado ao fogar do transeúnte para pasar a noite.

ÚLTIMAS

Un motorista falece tras caer por un terraplén en Pedrafita do Cebreiro

Un motorista faleceu este venres tras precipitarse por un terraplén de 10 metros de...

PSdeG destaca 1.000 millóns en infraestruturas para Lugo

O secretario xeral do PSdeG na provincia de Lugo, José Tomei, e a deputada...

Veciña de Begonte detida por furto de xoias continuado nun centro de maiores

A Garda Civil, no marco da operación Renur1, detivo a unha veciña da localidade...

A Rede Museística, referencia do Estado en educación e investigación nos museos

'Xornadas Internacionais sobre museos e educación. Experiencias para difusión do patrimonio e o cumprimento...