EFE | A Policía Local de Lugo notificoulles esta fin de semana aos propietarios de dous bares da cidade decretos de suspensión de actividade e peche dos establecementos por incumprimento da normativa que regula a súa actividade.

En concreto, segundo informou a propia Policía Local, comunicóuselle ao propietario dun café-bar situado na Rúa Río Avia unha multa de 900 euros, a suspensión de actividade e o peche cautelar do establecemento.  Así mesmo, os axentes notificáronlle o mesmo ao dono dun café-bar na Rúa Camiño Real.

Por outra banda, nun café-bar situado na Rúa Nova, ordenaron a retirada do equipo de música e de todos os seus compoñentes, coa advertencia, en caso de incumprimento, do precinto do local.

Ademais, os axentes levantaron acta de infracción tras realizar unha inspección nun establecemento da Rúa Salvador de Madariaga, con categoría de café-bar, por permanecer aberto ao público fóra do horario permitido.