A Policía Local de Lugo denunciou a pasada madrugada a camareira dun local de hostalería que estaba a realizar o seu traballo sen usar máscara, obrigatoria na atención ao público.

Esa denuncia por unha infracción da Lei de Saúde Pública de Galicia produciuse no transcurso da inspección realizada a un local de hostalería na zona da Milagrosa.  Nese sentido, a Policía lembra que os traballadores que presten servizo “en mesa e en barra” deberán manter “a distancia de seguridade co cliente”, pero en todo caso é “obrigatorio” o uso de máscara para o persoal deses establecementos na súa atención ao público”.

A inspección tivo lugar ás 02:00 horas da pasada madrugada e os policías tamén denunciaron o propietario por reproducir música a un volume moi alto, cando o local, ao ser un café-bar, carece de permiso para poñer música.