Unha lea multitudinaria no interior do centro penal de Monterroso saldouse con cinco funcionarios feridos leves e oito reclusos trasladados ao módulo de illamento.
O suceso tivo lugar a iso das 18:00 horas do martes no patio do centro, cando os presos gozaban das súas horas ao aire libre nas pistas. Daquela, un enfrontamento entre os internos derivou nunha “multitudinaria pelexa”, segundo detalla a Asociación Profesional de Funcionarios de Prisións (APFP) nun comunicado.
O incidente saldouse con cinco funcionarios feridos de carácter leve, principalmente por contusións e rascaduras producidas durante o forcexeo cos internos para tratar de reconducir a situación. Un dos traballadores sufriu un corte nunha perna.
Pola súa banda, oito dos reclusos involucrados na lea foron levados a illamento, mentres que un noveno foi trasladado a outro módulo “por precaución”, como apunta a APFP, que asegura que “facía moitísimos anos que non se vivían” actos coma este no cárcere de Monterroso.
