Efectivos da Unidade Territorial de Policía de Barrio da Policía Local de Lugo identificaron a un individuo por causar danos no mobiliario urbano da capital luguesa.

Segundo informou a Policía Local, os feitos ocorreron na tarde do pasado día 3. Os axentes procederon a identificar dun individuo como presunto autor dos danos ocasionados nun banco público dos xardíns de García Morato na Praza da Constitución.

O identificado, indicaron as mesmas fontes, causaba estes danos no mobiliario urbano cunha ‘pata de cabra’ -barra metálica-, que foi intervida polos axentes.