Unha agresión rexistrada este luns nun instituto de Lugo levantou a polémica nas redes. En concreto, unha persoa disfrazada coouse nunha aula do IES Muralla Romana mentres se celebraba unha clase e propinoulle un ‘tortazo’ ao profesor diante dos alumnos.
O autor, que estivo acompañado doutra persoa que se encargou de gravar os seus movementos, fuxiu ao momento de perpetrar a agresión, aínda que posteriormente colgou o vídeo na súa conta de redes sociais.
Fontes do centro trasladaron que se trata dunha persoa allea ao mesmo e que o caso foi denunciado ante a Policía Nacional.
Un youtuber de Lugo disfrazado de payaso entra en un instituto de la ciudad y propina un tartazo a un profesor para, después, subir a las redes el vídeo. @A3Noticias pic.twitter.com/M4mTnocRNk
— A3Galicia (@Antena3Galicia) October 15, 2019
En concreto e a pesar de que non transcendeu a súa identidade, o autor conta cun perfil de Instagram coa gravación da agresión e doutras accións realizadas na cidade de Lugo.
O sindicato ANPE rexeitou os feitos e trasladou a súa solidariedade co claustro de profesores do IES e “do compañeiro que foi agredido”.
Así, pediron que a Consellería de Educación ofreza “todo o apoio necesario” ao profesor afectado e puxo á súa disposición “toda a súa infraestrutura e persoal para non deixar impune tan covarde agresión”.
