InicioSucesosO bebé supostamente maltratado polos seus pais en Lugo continúa ingresado e...

O bebé supostamente maltratado polos seus pais en Lugo continúa ingresado e “estable dentro da gravidade”

PUBLICADA O

- Advertisement -

O bebé de dous meses supostamente maltratado polos seus pais en Lugo continúa ingresado na UCI do Hospital Lucus Augusti (HULA) e atópase “estable dentro da gravidade”. Así o confirmou o delegado da Xunta en Lugo, José Manuel Balseiro, que indicou que, polo momento, “non hai ningunha novidade relevante en relación a este asunto”.

Balseiro lembrou que o equipo médico que atende ao menor no Hula, en función da súa “evolución” os próximos días, valorará o momento en que poida ser trasladado ao Hospital da Paz de Madrid para ser intervido dun desprendemento de retina. “Polo que respecta á Xunta, continúa o proceso de tutela e garda do menor, sempre en interese do mesmo”, explicou o delegado do Goberno galego, que recoñeceu que “unha das posibilidades” é que, unha vez dado de alta, o bebé sexa dado a unha familia de acollida.

Polo demais, este venres continúan os labores de limpeza no edificio onde vivía a familia, no número 23 da rúa Irmáns Carro. O concelleiro de Medio Ambiente, Álvaro Santos, apuntou este xoves que se retirou máis dunha tonelada e media de lixo da vivenda e que se ía a proceder á desinfección de todo o edificio.

Os pais do menor están a ser investigados por un delito de malos tratos polo Xulgado de Instrución número 1 de Lugo, que lles tomou declaración o martes e deixounos en liberdade, aínda que coa prohibición de aproximarse, comunicarse ou visitar ao bebé.

ÚLTIMAS

Galicia, vixiante co sarampión: detéctanse en Lugo os dous primeiros casos dende 2020

A Consellería de Sanidade reforzou a vixilancia contra o sarampión despois de detectar que repuntes...

O PP de Lugo acusa ó goberno local de “improvisación” e “falta de xestión” na regularización de terrazas

O PP de Lugo acusou este sábado ao goberno local de "improvisación" e "falta...

Falece un home de 62 anos tras chocar o seu vehículo contra unha árbore en Abadín

Un home de 62 anos faleceu á primeira hora deste sábado nun accidente de...

Un condutor borracho e drogado foxe tras ter un accidente e choca contra seis coches aparcados na rúa das Fontes

Un condutor ebrio foi interceptado pola Policía Local tras fuxir dun accidente e chocar contra seis...