Un home precisa atención médica tras un ataque dun enxame de avespas en Lugo

Cando os axentes chegaron ao lugar do suceso, o individuo xa non estaba alí, senón que só atoparon unha chaqueta chea de avespas mortas. O niño, ubicado na rúa Alexandre Bóveda, foi selado.

Hospital Universitario Lucus Augusti (HULA) | Grupo San José
Hospital Universitario Lucus Augusti (HULA) | Grupo San José

Un home foi atendido no Hospital Universitario Lucus Augusti (HULA) tras ser atacado por un enxame de avespas en Lugo, cuxo niño foi selado.

Así o informou a Policía Local de Lugo, que relatou que este luns unha patrulla acudiu á rúa Alexandre Bóveda, onde un home fora atacado por un enxame de avespas. Unha vez no lugar, os axentes comprobaron que o home atacado xa non se atopaba alí, aínda que viron unha chaqueta tirada no chan  con “moitas avespas mortas”. Asemade, unha cidadá entregoulles un teléfono móbil que supostamente abandonara a persoa afectada.

Finalmente, os policías localizaron un niño de avespas baixo o chan, nunha zona que fora recentemente rozada, polo que “protexeron o lugar” para evitar novos ataques. Solicitaron a presenza dos bombeiros para proceder ao selado do niño.

Ao tempo, sóubose que a vítima estaba a ser atendida no HULA debido ás “mordeduras dos insectos”. Os policías xa lle puideron entregar as pertenzas que o home deixara no lugar do suceso.

DEIXAR UN COMENTARIO

Please enter your comment!
Please enter your name here