InicioSucesosA "proliferación" de casos de maltrato animal en Lugo: como reverter esta...

A “proliferación” de casos de maltrato animal en Lugo: como reverter esta situación?

As asociacións animalistas reclaman que o Concello reforce a Policía Local e que faga efectiva a súa capacidade para remitir á Xunta informes con propostas de sanción. Así mesmo, cren indispensable a colaboración cidadá.

PUBLICADA O

- Advertisement -

A Asociación Animalista Libera e a Fundación Franz Weber advirten do aumento de casos de maltrato a animais en Lugo. Este martes, reclamaron a adopción de medidas adicionais de Seguridade Cidadá para previr situacións extremas como a que se coñeceu recentemente sobre os dous cans do Veral que estaban nunha situación deplorable no Veral. Demandan que o Concello preste atención a isto e que determine este tipo de iniciativas publicamente.

Os animalistas resaltan que nos últimos meses se produciron situacións de abandono e malos tratos que alarman á cidadanía. O último destes exemplos foi a descuberta de dous mastíns “descompostos” nun predio rural do Veral. Ante esta “proliferación”,  as asociacións animalistas piden un reforzo da Policía Local e a aplicación efectiva das súas competencias de inspección e vixilancia.  Lembran que incluso poderían entrar en propiedades privadas en caso de que consideren que a vida dun animal corre perigo.

Neste sentido a Lei de Benestar Animal de Galicia, a pesar de restar competencias sancionadoras aos gobernos locais, si que faculta ás autoridades para elaborar informes e inspeccións que poidan ser remitidos á Xunta cunha proposta de sanción ou de intervención xudicial. Por tanto, Libera e Franz Weber consideran que o Concello ten capacidades e medios suficientes para dar resposta a esta problemática.

COLABORACIÓN CIDADÁ, INDISPENSABLE

Así e todo, o máis importante para reverter esta situación sería a colaboración cidadá. É a “primeira pedra” para detectar casos de abandono e malos tratos. A modo de exemplo, aluden ao suceso ocorrido na rúa Pintor Villamil, onde foron os propios veciños quen alertaron dun forte cheiro que deveu no “terrible achado” no piso. Sendo así, insisten na necesidade de “non dar as costas” a posibles infraccións ou delitos contra os animais.

 

ÚLTIMAS

TSXG declara nulo o ‘catastrazo’ de Sarria tras unha demanda colectiva

A Sección Cuarta do Contencioso Administrativo do Tribunal Superior de Xustiza de Galicia declarou...

Detido un home por presuntas ameazas de morte contra a súa muller

A Policía Local de Lugo detivo por violencia de xénero a un home no...

A Deputación investirá máis de medio millón de euros en vías de Castroverde

A xunta de goberno da Deputación de Lugo aprobou este venres novas investimentos por...