O xulgado de instrución número 1 de Lugo decretou o martes o ingreso en prisión comunicada e sen fianza dunha muller detida o pasado domingo na autovía A-6 mentres portaba 68 quilos de haxix.
Segundo informa este mércores o Tribunal Superior de Xustiza de Galicia (TSXG), a muller viaxaba acompañada das súas tres fillas, todas elas menores de idade.
No momento da detención, a muller conducía un coche de aluguer, e a droga atopábase introducida en dúas maletas que levaba no maleteiro.
