Un veciño do municipio lugués de Cervantes figura como investigado pola Garda Civil por un delito de apropiación indebida por vender sen autorización a madeira dun monte comunal.

Os feitos tiveron lugar en 2023, cando o investigado, en calidade de presidente dunha comunidade de montes, autorizou unha venda a un maderista, que realizou dous abonos por un importe total de 17.700 euros.

Con todo, este lote de madeira foi vendido a outra empresa ás costas do lexítimo comprador, como explicou a Garda Civil este venres nun comunicado.

As dilixencias policiais e a persoa investigada foron postas a disposición xudicial.