O presidente da Deputación de Lugo, José Tomé Roca, asinou un novo convenio de colaboración coa presidenta da Unión de Traballadores Autónomos do Transporte, o Mar e as Comunicacións de Galicia, María Dolores Somoza, que ascende a preto de 39.000 euros para dar un novo impulso á formación de redeiras.

A institución provincial renova, por cuarto ano consecutivo, este acordo que mantén coa entidade co obxectivo de garantir e substitución xeracional e fomentar o autoemprego feminino, mediante unha acción formativa especializada na creación de empresas vinculadas a esta profesión.

José Tomé subliñou a importancia desta colaboración que contribúa ao desenvolvemento desta actividade fundamental no sector pesqueiro, xa que supón unha “alta porcentaxe” de empregabilidade feminina, xa que o 85 % das persoas inscritas no réxime especial do mar son mulleres. Polo que, recalcou que é un “novo paso” no compromiso da institución provincial coa formación a apoio ás mulleres que queren desenvolver a súa carreira no sector pesqueiro.