InicioSociedadeA Deputación de Lugo acusa os bombeiros de incumprir servizos mínimos en...

A Deputación de Lugo acusa os bombeiros de incumprir servizos mínimos en Vilalba e ameaza con accións xudiciais

O parque de Vilalba conta cun persoal de 20 efectivos dos cales a metade colleron a baixa e outros catro da bolsa de suplentes xa renunciaron. Esta "grave situación", denuncia a Deputación de Lugo, demostra que hai unha "estratexia orquestrada" por parte dos bombeiros "para non cumprir coas súas obrigacións".

PUBLICADA O

- Advertisement -

Deputación de Lugo acusa os bombeiros do parque de Vilalba de incumprir os servizos mínimos marcados para a folga dos consorcios provinciais contra incendios, iniciada xa en xuño. Así, ameaza con recorrer á vía xudicial en caso de “producirse algunha consecuencia” por esta falta de medios.

Segundo un comunicado da Deputación, dos catro efectivos que figuraban no cuadrante deste xoves en Vilalba “só se incorporaron dous”. Así, outros tres traballadores foron avisados para cubrir estes ocos “e ningún deles presentouse”. O goberno provincial, dirixido polo socialista José Tomé, cre que os bombeiros teñen un “comportamento irresponsable que obriga a deixar sen servizo” estas instalacións desde as 13.00 do xoves ata o venres ás 9.00 da mañá. Así, o consorcio provincial informou ao 112 Galicia de que calquera eventual incidencia será atendida desde os parques de Viveiro ou Barreiros.

O parque de Vilalba conta cun persoal de 20 efectivos dos cales a metade colleron a baixa e outros catro da bolsa de suplentes xa renunciaron. Esta “grave situación”, denuncia a Deputación, demostra que hai unha “estratexia orquestrada” por parte dos bombeiros “para non cumprir coas súas obrigacións”. Ademais, a institución provincial considera que, con esta actitude, os traballadores “poñen en risco a seguridade da cidadanía”, polo que, “de producirse algunha consecuencia, terán que afrontala mesmo pola vía xudicial”, advirte.

ÚLTIMAS

A Deputación de Lugo culpa á Xunta de “incumprir” o proceso de estabilización e esixe o fin da “temporalidade”

O pleno da Deputación Provincial de Lugo aprobou este martes unha moción do Grupo Provincial Socialista...

Adega denuncia que a captación de auga para Altri provocará “problemas de abastecemento”

A Asociación para a Defensa Ecolóxica de Galiza (Adega) censura a solicitude de captación...

Remite o temporal que deixa moita neve, inundacións e estradas cortadas en Lugo

Os efectos do temporal remitiron nas últimas horas en Galicia, cun descenso no volume de precipitacións...

A neve dificulta a circulación en Lugo e os camións non poden circular pola LU-633 en Pedrafita do Cebreiro

A caída de neve dificultou a circulación na provincia de Lugo e, en concreto,...