InicioLugo e contornaLugoO lucense Antonio de Ron, distinguido co 'Meritorius Service Award' dunha insitución...

O lucense Antonio de Ron, distinguido co ‘Meritorius Service Award’ dunha insitución dos EE.UU.

PUBLICADA O

- Advertisement -

Antonio de Ron Pedreira (Lugo, 1952), profesor vinculado ‘ad honorem’ do Consello Superior de Investigacións Científicas (CSIC) na Misión Biolóxica de Galicia (MBG), foi distinguido co ‘Meritorius Service Award’ de Bean Improvement Cooperative (BIC), institución creada en 1957 con sede en Estados Unidos e cuxo labor é promover o intercambio de información acerca das investigacións sobre a xudía común.

Na actualidade, o BIC está integrada por máis de 300 científicos de diferentes países de todos os continentes, con predominio de América, especialmente Estados Unidos, que teñen en común o desenvolvemento de investigacións sobre diversas cuestións relacionadas coa xudía, o primeiro cultivo proteico para alimentación humana, que é vital na dieta en África, Centro de América e China. En España é actualmente un produto fundamentalmente gourmet limitado a Denominacións de Orixe.

Cada ano, durante un encontro que se celebra en Estados Unidos ou Canadá, a entidade outorga varios recoñecementos entre os seus socios: Meritorious Service Award, a quen demostrase contribucións notables en investigación nunha prolongada traxectoria; Achievement Award, a persoas con menos de 15 anos de traxectoria científica con achegas destacadas; Technical Merit Award, por apoio en investigacións ao longo dunha carreira técnica, e Frazier-Zaumeyer Distinguished Lectureship, para honrar a quen contribuíse significativamente á investigación nos últimos anos.

De Ron é doutor en Ciencias Biolóxicas pola Universidade de Santiago de Compostela e experto universitario en Métodos Avanzados de Estatística Aplicada pola Universidade Nacional de Educación a Distancia. Vinculado ao CSIC desde 1983, a súa carreira científica sitúase na MBG, onde fundou os grupos de Leguminosas (1988) e Bioloxía de Agrosistemas (2013).

ÚLTIMAS

A Deputación de Lugo culpa á Xunta de “incumprir” o proceso de estabilización e esixe o fin da “temporalidade”

O pleno da Deputación Provincial de Lugo aprobou este martes unha moción do Grupo Provincial Socialista...

Adega denuncia que a captación de auga para Altri provocará “problemas de abastecemento”

A Asociación para a Defensa Ecolóxica de Galiza (Adega) censura a solicitude de captación...

Remite o temporal que deixa moita neve, inundacións e estradas cortadas en Lugo

Os efectos do temporal remitiron nas últimas horas en Galicia, cun descenso no volume de precipitacións...

A neve dificulta a circulación en Lugo e os camións non poden circular pola LU-633 en Pedrafita do Cebreiro

A caída de neve dificultou a circulación na provincia de Lugo e, en concreto,...