InicioSociedadeO alcalde da Fonsagrada "afónico" tras estar a "cantar e celebrar coa...

O alcalde da Fonsagrada “afónico” tras estar a “cantar e celebrar coa xente” o Gordo

Carlos López di que a "choiva" de millóns vai ser positiva para a economía do concello.

PUBLICADA O

- Advertisement -

O alcalde da Fonsagrada, Carlos López, aínda “afónico”, confía que a “choiva de millóns” que deixou o Gordo da lotaría de Nadal, 180 millóns de euros, repercuta no municipio.

Un día despois confesou que a afonía lle vén de “cantar e de estar coa xente”. Xa a xornada deste venres vívea con máis “tranquilidade”. “O día despois vén máis tranquilo. Os veciños están moi contentos. Agora toca esperar que esta choiva de millóns repercuta na Fonsagrada”, celebrou.

Carlos López puxo de manifesto que os veciños están “encantados” e que moitos deles tratan de pescudar a quen lle “tocou”. “Tocase ou non tocase, todos estamos moi contentos”, subscribe o alcalde.

O rexedor fonsagradino augurou que “o tema da vivenda vai subir en canto á compra de pisos, isto vaise a traducir en ingresos para a localidade, ademais da publicidade que se deu da Fonsagrada”. Neste municipio da montaña de Lugo, de pouco máis de tres mil habitantes, vendéronse 45 series do primeiro premio, o 5.490, que se traduce en 180 millóns de euros.

ÚLTIMAS

Perdera o carné por orde xudicial e seguía conducindo

A Policía Local de Lugo denunciou, por un delito contra a seguridade viaria, a...

Detido en Lugo por agredir á súa exparella na entrada dun local nocturno

A Policía Local de Lugo detivo a un home de 42 anos de idade...

O queixo Don Crisanto, de Vilalba, coroado como o mellor de España en 2025

O queixo Don Crisanto, da Denominación de Orixe Protexida (DOP) San Simón da Costa, elaborado pola...

Segue a busca da octoxenaria desaparecida en Lugo

A Policía Nacional de Lugo continúa dirixindo o operativo de procura de Isaura, de...