InicioSociedadeTransportistas avisan que seguirán pasando por Pedrafita aínda que neve, pese ao...

Transportistas avisan que seguirán pasando por Pedrafita aínda que neve, pese ao desvío pola N-120

A asociación lucense do transporte Aetram critica que "serían 70 quilómetros pola 120, que para nós é un camiño de cabras".

PUBLICADA O

- Advertisement -

O presidente da asociación lucense do transporte Aetram, Diego Arias, avisou este venres de que os transportitas seguirán pasando por Pedrafita do Cebreiro, pese ao desvío pola Nacional 120 que pretende habilitar o Goberno central para cando neve, tras o colapso do viaduto do Castro na A-6.

Diego Arias afeou que sigan “sen ter noticias da administración”. “Porque nós non estamos dispostos a dar a volta pola Nacional 120, e seguimos sen ter noticias por parte do Goberno central de cal vai ser a solución”, esgrimiu.

Se seguirán pasando por Pedrafita, rexeitando a outra opción tras a derruba do viaduto do Castro na A-6, porque, ao seu xuízo, “é unha perda de diñeiro máis grande”.

Serían 70 quilómetros pola 120, que para nós é un camiño de cabras. Esa estrada está moi mal. Por aí non podemos ir porque sería un consumo, a maiores, de combustible de cen a 150 euros por viaxe, ademais dunha hora ou unha hora e media máis de tempo perdido”, indicou.

Arias anunciou que seguirán “presionando” ao Goberno, dado que, reiterou: “Non nos podemos permitir ir pola Nacional 120”.

Outro aspecto no que incidiu é a “espera” que teñen agora os transportistas para comprar un camión, de ata un ano e o encarecemento de 15.000 euros que lles supón agora adquirir un vehículo. Diego Arias constatou que na provincia de Lugo operan “sobre 1.000 empresas do transporte”, que sumarían “máis de 3.000 camións”.

ÚLTIMAS

San Froilán 2025 amplía o seu cartel con novos artistas nacionais e internacionais

A área de Cultura do Concello de Lugo fixo pública esta mañá de luns...

Un peregrino ebrio acaba ferido nun bar de Sarria tras romper un cristal coa cabeza

Un peregrino de nacionalidade inglesa resultou ferido na tarde do domingo en Sarria despois...

A Deputación de Lugo triplica o orzamento das axudas do programa ‘O que non arde’

A área de Rural da Vicepresidencia da Deputación de Lugo acaba de abrir un novo prazo para...

O PP de Lugo acusa o goberno local de atrasar 214 días un expediente sancionador contra o Pub Las Palmeras

O grupo municipal do Partido Popular volveu reclamar este luns ao Goberno local unha solución...