InicioSociedadeCríticas pola "posición autista" do Sergas na vacinación contra a Covid en...

Críticas pola “posición autista” do Sergas na vacinación contra a Covid en Lugo

UGT denuncia falta de persoal.

PUBLICADA O

- Advertisement -

O secretario da Federación de Servizos de UGT de Lugo, Eliseo Rivas, lamentou o que deu en cualificar como a “posición autista” da Consellería de Sanidade ao non atender a demanda de máis persoal, sobre todo agora que se comeza coa vacinación da cuarta dose contra a covid nos vacunódromos.

Así, Rivas protestou pola “palabrería” da Xunta, que non se concreta finalmente en reforzar o persoal médico, nin de enfermaría, tras dous anos de pandemia. “Hai unha evidente falta de recursos humanos para dar a mellor atención a todos os cidadáns e non se fai ese esforzo por parte da consellería, aquí hai que tomar medidas urxentes”, reivindicou.

O sindicalista dixo que “queda moi bonito de cara á galería iniciar campañas de vacinación á conta da profesionalidade e sacrificio de todo o persoal facultativo, de enfermaría e do resto de persoal”, sen incrementar efectivos.

Ante unha “maior carga de traballo” pola nova campaña de vacinación, Eliseo Rivas lamentou “a posición autista por parte da consellería, que parece que o problema non vai con eles”. Outro aspecto que non pasa por alto o dirixente de UXT de Lugo son as queixas para que as inoculacións se fagan nos centros de saúde e non nos vacunódromos.

ÚLTIMAS

Amancio Prada volve a Lugo 16 anos depois

Amancio Prada volve a Lugo 16 anos despois do seu último concerto nesta cidade....

Piden a absolución dun mozo de Vilalba acusado de violar á súa ex parella menor de idade

A sección segunda da Audiencia Provincial de Lugo acolleu este martes a celebración do...

Denuncian unha agresión a unha menor durante unha manifestación en Lugo por levar unha bandeira saharauí

Comunidade Saharauí en Galiza presentou unha denuncia pola agresión sufrida por unha menor saharui durante unha...

Unha certificación turística permitirá protexer o ceo nocturno dos Ancares

O deputado de Medio Ambiente, Carlos López, recibiu este luns na Casa do Concello...