InicioSociedadeOs xubilados de Lugo din "basta" ao trato discriminatorio que reciben...

Os xubilados de Lugo din “basta” ao trato discriminatorio que reciben en entidades bancarias

Denuncian que son tratados como "clientes non desexables".

PUBLICADA O

- Advertisement -

Unha morea de xubilados saíu á rúa este luns en Lugo para evidenciar o seu rexeitamento ao “trato discriminatorio” que, ao seu modo de ver, reciben os maiores por parte das entidades bancarias, que lles fan sentir como “clientes non desexables”.

Ademais da concentración, convocada pola Asociación de Xubilados e Pensionistas de Lugo, pero que contou coa presenza de xubilados doutros puntos de Galicia, informouse da entrega a varias entidades bancarias dunha carta na que este colectivo traslada o seu sentir.

A carta, segundo a convocatoria da Asociación, expresa o que senten as persoas maiores cada vez que se lles “pechan as portas”, non se responden ás súas chamadas ou se lles “ignora”.

“Sen bandeiras nin ideoloxías”, só co fin de facer visible a súa queixa polo que ven “un trato discriminatorio” da banca, a concentración partiu ás 12,00 horas da Rúa da Raíña lucense.

Foron moitos os xubilados que se achegaron de fóra de Lugo –algúns subliñaban que se desprazaron máis de 100 quilómetros– baixo o argumento de que “a dignidade non pode silenciarse” e “o abuso das entidades bancarias debe ter unha contundente resposta” por parte do colectivo.

Os xubilados prevén dar continuidade a esta proposta con outras accións en Galicia, no marco dunha campaña estatal e en paralelo coas protestas que, polo mesmo motivo, convocáronse en varias cidades de España.

ÚLTIMAS

O PP esixe ao Goberno que a provincia de Lugo estea no mapa das infraestruturas ferroviarias

O senador por Lugo e coordinador xeral do Partido Popular provincial, José Manuel Balseiro,...

A Audiencia de Lugo absolve a unha muller e a súa filla acusadas de estafar á avoa para que lles dese diñeiro

A Audiencia Provincial de Lugo absolveu a dúas mulleres, nai e filla, que estaban...

Besteiro urxe á Xunta que poña o foco na saúde mental da provincia de Lugo, onde hai “dous suicidios á semana” de media

O secretario xeral do PSdeG, José Ramón Gómez Besteiro, advertiu este xoves en Lugo da...

O goberno de Lugo reclama ao presidente da Xunta máis investimentos que os anunciadas o luns tras o Consello

A portavoz do PSOE no goberno local de Lugo, Ana González Abelleira, volveu a...