Catro persoas foron detidas por estafas informáticas na provincia de Lugo durante a última semana, segundo informou este xoves a Policía Nacional. En concreto, aos catro arrestados impútanselles diferentes delitos de estafa e descubrimento e reveleación de segredos cometidos a través de Internet.
O primeiro detido é un cidadán natural de Castela A Mancha que supostamente estafou a un veciño de Lugo con capacidades limitadas durante a transacción dun coche vendido “por un prezo moi inferior ao de mercado“.
Segundo o relato policial, o imputado pagou 2.000 euros polo turismo cando o seu valor de mercado é duns 12.000. Tras ser localizado, as dilixencias contra o home, que conta con antecedentes policiais, foron trasladadas ás forzas da orde da súa localidade de residencia.
Ademais, a Policía detivo a outras dúas persoas, un home menor de idade e a súa parella, por varias estafas cometidas a través de portais de venda de Internet. Os arrestados venderon dous teléfonos de alta gama que resultaron ser falsificacións, para o que empregaron documentación falsificada dunha tenda física e un teléfono real como reclamo.
O último dos detidos é un mozo de 23 anos residente en Lugo acusado de revelar imaxes íntimas da súa expareja a través de Whatsapp. O arrestado enviou este material a varios coñecidos da vítima despois de terminar a súa relación.
