InicioComarca de MeiraMeiraConta atrás para abrir o centro de maiores de Meira, con 50...

Conta atrás para abrir o centro de maiores de Meira, con 50 prazas

Os avances da Deputación de Lugo veñen cargados de críticas á Xunta por "non apoiar" a construción.

PUBLICADA O

- Advertisement -

O centro de maiores de Meira entrará en funcionamento “a finais de setembro ou principios de outubro” con 30 prazas para residentes e 20 para usuarios de día. Así o avanzou a deputada de Réxime Interior da Deputación de Lugo, Pilar García Porto, tras a reunión da xunta de goberno que deu luz verde á adxudicación dos servizos básicos da residencia.

En concreto, o contrato de máis 620.000 euros para as tarefas de cociña, limpeza e asistencia foron a parar á empresa Troncoso Casares Segundo o goberno provincial, o centro abrirá a “finais do mes de setembro ou a principios de outubro” e converterase no sétimo centro da rede provincial xunto cos de Trabada, Ribadeo, Pol, A Fonsagrada, Castroverde e Pedrafita.

DARDO Á XUNTA

García Porto remarcou que o ente provincial realizou es infraestruturas “sen contar” coa colaboración da “administración que por lei ten as competencias en servizos sociais. “A Xunta non apoia á Deputación na construción nin no apoio deste servizo básico”, puntualizou.

O Centro de Atención a Maiores de Meira contará con 30 prazas de residencia (ampliable a 38) e 20 para o centro de día. Terán prioridade os veciños e veciñas de Meira, posteriormente os de concellos limítrofes e, en terceiro lugar, estenderase a toda a provincia.

ÚLTIMAS

Morre un home tras ser rescatado inconsciente dun río en Chantada

Un home faleceu na tarde deste martes tras ser rescatado inconsciente no embarcadoiro de...

Así quedou restaurado o mural de Lugo por Palestina tras ser atacado

"O pasado domingo 14 rematouse de pintar un mural en apoio a Palestina e...

Dous homes investigados por pescar troitas con electricidade no río Rodil

A Garda Civil investiga a un veciño da Fonsagrada, de 72 anos, e a...

Detidos dous veciños de Lugo acusados de roubar 200 quilos de cobre nunha empresa

A Garda Civil detivo en Vilalba a dous veciños de Lugo acusados de roubar 200 quilos...