A área sanitaria de Lugo rexistra este venres 9 de abril un lixeiro aumento de casos, ao rexistrar 148 pacientes con coronavirus, 6 máis ca os notificados onte polo Sergas. Nas últimas 24 horas confirmáronse 8 novos positivos a través de PCR.
A situación hospitalaria non experimenta cambios. Segundo o balance de datos de Sanidade, segue habendo 8 persoas ingresadas por Covid-19. Todas elas están a ser atendidas no Hula: 5 en planta e 3 na Uci.
Dende o inicio da pandemia, faleceron 212 persoas diagnosticadas co virus na provincia de Lugo, curáronse 11.763 e realizáronse 209.922 probas PCR.
GALICIA
No ámbito autonómico, mantense a tendencia descendente en canto á presión hospitalaria. Pola súa banda, os casos activos ascenderon lixeiramente a 2.193. Podes ler a información completa no Galicia Confidencial.
