InicioSociedadeDe Cospeito ao McDonald's: unha granxa do Arneiro produce leite para o...

De Cospeito ao McDonald’s: unha granxa do Arneiro produce leite para o queixo da multinacional

A compañía instalou un tótem simbólico e de maneira temporal para indicar que "todo ten unha orixe" e, neste caso, é Granxa Grixeira.

PUBLICADA O

- Advertisement -

Os campos xestionados por Granxa Grixeira, situados no Arneiro (Cospeito), son o lugar do cal procede parte do queixo que McDonald’s utiliza nas súas cociñas, e que á súa vez elabora Queserías Entrepinares, do tamén lucense concello de Vilalba.

Por iso, no Arneiro, unha parroquia de pouco máis de 70 habitantes situada a 30 quilómetros da capital lucense, a cadea de restaurantes puxo en marcha a instalación, temporal e simbólica, dun dos seus distintivos tótem para reivindicar a procedencia da súa cadea de subministración, co lema “Todo ten unha orixe”.

A historia de Granxa Grixeira é un exemplo de substitución xeracional. En 2018, os mozos Zeltia González e Pepe García decidiron unirse para dar continuidade a unha explotación familiar con máis de medio século de historia.

A súa colaboración con Entrepinares arrincou en xaneiro de 2020. Alí van parar os preto de 165.000 litros de leite que producen as súas vacas cada mes, e que se destinan, en parte, á fabricación dalgunhas das variedades de queixo que utiliza McDonald’s na súa carta de produtos.

Tanto Pepe García como Zeltia González proclaman que “se o campo deixa de producir, para o mundo”. “Por iso é tan importante que se dea visibilidade ao traballo de tantas persoas, e ao esforzo e a dedicación que poñemos en ofrecer o mellor produto dunha forma sustentable e perdurable no tempo”, resaltan.

A IMPORTANCIA DA ORIXE

McDonald’s puxo en marcha este proxecto por mor dun estudo realizado en colaboración con Sigma Dos, a principios deste ano, que revela que a crise sanitaria levou á cidadanía a priorizar o produto de orixe local na súa intención de compra.

No caso concreto de Galicia, o interese pola orixe local dos alimentos supera á media nacional, xa que para un 98% dos galegos é importante ou moi importante coñecer a orixe dos alimentos que consome, xa sexa en comercios ou en restaurantes.

Un 46% prioriza a compra de produtos de orixe local, un 56% faino para axudar os produtores nacionais e un 50% considera que os produtos de orixe local teñen maior calidade que aqueles que non o son (superando á media nacional, situada nun 47% dos españois).

ÚLTIMAS

Descubertos varios sitios arqueolóxicos nos Ancares

O Colectivo Patrimonio dos Ancares comunicoulle á Xunta de Galicia a localización de varios...

Ecoloxistas en Acción denuncia que a planta de Altri en Palas consumirá o total da auga da provincia de Lugo nun día

Ecoloxistas en Acción reclama á Xunta que denegue á compañía portuguesa Altri a solicitude de captación...

A Deputación de Lugo culpa á Xunta de “incumprir” o proceso de estabilización e esixe o fin da “temporalidade”

O pleno da Deputación Provincial de Lugo aprobou este martes unha moción do Grupo Provincial Socialista...

Adega denuncia que a captación de auga para Altri provocará “problemas de abastecemento”

A Asociación para a Defensa Ecolóxica de Galiza (Adega) censura a solicitude de captación...