InicioSociedadeAs multas por incumprir as normas sanitarias en Lugo supoñen case o...

As multas por incumprir as normas sanitarias en Lugo supoñen case o 25% das totais dende xuño

O Concello de Lugo tramita 273 expedientes sancionadores por infraccións ás restricións impostas na Lei de Saúde de Galicia.

PUBLICADA O

- Advertisement -

O Concello de Lugo iniciou 273 procedementos sancionadores por infraccións á normativa autonómica da Covid-19. As multas supoñen arredor da cuarta parte das tramitadas pola Policía Local dende o pasado mes de xuño.

Segundo explicou o concelleiro Miguel Fernández, os incumprimentos da Lei de Saúde de Galicia deixaron uns expedientes abertos que ascenden a “101.700 euros ou 50.850 € no caso de que se proceda ao seu pronto pago”, destacou o portavoz do goberno.

A encargada de efectivizar o cobro será a empresa que asume a colaboración na xestión administrativa e recadación de multas, despois de que a Xunta de Goberno Local autorizara a modificación do contrato en vigor, ante a insuficiencia de medios técnicos e de recursos humanos propios da institución para asumir directamente este cometido.

Tal tarefa suporalle anualmente a Administración local un custo de 58.080 euros, aínda que prevén que prácticamente quedará compensado co abono destas primeiras sancións. “En calquera caso, dende o executivo local instamos á cidadanía a respectar as medidas sanitarias impostas xa que o que se persegue, lonxe dun afán recadatorio, é impulsar o cumprimento das normas de protección. Todos debemos coidarnos e coidar tamén aos demais”, apuntou Miguel Fernández.

Cómpre lembrar que, pese a que os informes emitidos pola Avogacía do Estado ratifican que se trata dunha competencia autonómica, son os Concellos os que, seguindo o criterio do Consello Consultivo de Galicia están a exercer esta función, na que tamén se inclúe a tramitación das infraccións interpostas, dentro desta casuística e no ámbito territorial do municipio, polo resto de Forzas e Corpos de Seguridade do Estado (Garda Civil, Policía Nacional e Policía Autonómica). 

ÚLTIMAS

Interceptados dous xinetes que circulaban borrachos dacabalo por zona peonil no Arde Lucus

A Policía Local de Lugo notificou ao longo do fin de semana, cando se intensificaron os...

(Vídeo) O circo romano fixo vibrar ao Arde Lucus

Como cada ano, un dos momentos máis agardados da festa do Arde Lucus é o...

Coñece navegando o corazón da Ribeira Sacra

Os canóns do Sil son un dos monumentos naturais máis impresiontantes de Galicia. Son...

As vilas termais enxalzan en Guitiriz o potencial de Galicia, “principal destino termal de España”

A localidade luguesa de Guitiriz reuniu ás principais vilas termais galegas, que reivindicaron o...