InicioSociedadeO novo proxecto de Oliver Laxe mira de preto a 'Gandería heroica'...

O novo proxecto de Oliver Laxe mira de preto a ‘Gandería heroica’ dos Ancares

O cineasta súmase á campaña da cooperativa A Carqueixa para promocionar o modo de vida e o produto cárnico que comercializan na comarca.

PUBLICADA O

- Advertisement -

O cineasta Oliver Laxe e o presidente da cooperativa A Carqueixa, José Antonio Díaz, presentaron este luns unha campaña audiovisual en liña para promocionar e difundir a ‘Gandería Heroica’ dos Ancares.

O proxecto, dirixido polo cineasta, darase a coñecer nas redes de ‘O Sabor dos Ancares’, a iniciativa de comercialización directa de tenreira galega suprema da cooperativa.  Tratarase de vídeos curtos a través dos cales Laxe difunde as artes, manexos e maneira de vivir das persoas que integran a cooperativa, habilidades que considera unha ‘Gandería Heroica’ que mantén vivos Os Ancares. Nas pezas saen persoas e animais que actuaron na premiada película O que arde.

“Estamos a falar de moitas décadas na que o mundo lles dixo que o que facían non era lóxico nin rendible nin racional. Con todo en contra, coidaron dos Ancares con esas invisibles vacas libres que salpican a paisaxe, esas que fan a transhumancia ata Os Ancares bercianos, con todo o que iso implica a nivel cultural, paisaxístico e ambiental”, destaca Oliver Laxe.

Ademais, subliñou que esta campaña pon o foco “sobre o traballo milenario” que se segue facendo nesta zona a través do pastoreo extensivo, e asegurou que cando se compra esta carne “está a protexerse un modo de vida e uns valores” que garanten a biodiversidade dos Ancares. “Esta gandería heroica, estes veciños que quedaron aquí, foi o que mantivo acesa a chama da candea dos Ancares”, resume.

COMERCIALIZACIÓN DIRECTA

Actualmente, a cooperativa A Carqueixa está centrada na súa iniciativa de venda directa ao consumidor, ‘O Sabor dos Ancares’. A través da web, comercializan a súa tenreira galega suprema en lotes e ao corte, que chega directa á casa dos consumidores unha vez fan o seu pedido na tenda en liña.

O proxecto conta con menos de dous anos de vida e supón xa o 30% das vendas da cooperativa. Entre outros clientes, destaca a aposta por esta carne realizada desde Inditex para os seus comedores.

ÚLTIMAS

A neve e a choiva dificultaron este domingo a circulación nas estradas de 10 concellos de Lugo

A Deputación de Lugo activou este domingo un operativo para facer fronte aos efectos...

Detidas tres persoas na provincia de Lugo por varios roubos de ferramentas, gasóleo e outros efectos

Axentes da Garda Civil detiveron a tres persoas como presuntos autores de varios delitos...

A Deputación de Lugo lanza o I Xornadas Feministas con motivo do 8M co foco posto “na mocidade”

A deputada da área de Muller e Igualdade da Deputación de Lugo, Marisol Morandeira, presentou...

Dous feridos en Lugo ao saírse da vía o vehículo no que viaxaban e chocar contra unha árbore

Dúas persoas resultaron feridas este sábado en Lugo ao saírse da vía o vehículo...