EFE | A Deputación de Lugo ofreceulle ás autoridades sanitarias a posibilidade de empregar o Pazo dos Deportes como lugar de vacinación para a campaña de inmunización fronte á Covid-19.
Así o comunicou o deputado de Deportes e voceiro do BNG, Efrén Castro, “ante a previsible necesidade de grandes espazos” para este fin. Castro precisou que as instalacións do Pazo dos Deportes poderían “adaptarse perfectamente”. Dispón, lembrou, dunha boa localización, de fácil acceso, e dunha superficie moi ampla destinada a aparcamento.
Ademais, conta con “grandes espazos” para organizar a vacinación en condicións de seguridade.
