InicioSociedadeA provincia ten case un cento de pacientes covid nos hospitais, 21...

A provincia ten case un cento de pacientes covid nos hospitais, 21 nas UCI

Volven subir o número de hospitalizados e os ingresados nas unidades de coidados intensivos. Tamén segue moi alto o número de contaxios.

PUBLICADA O

- Advertisement -

A ocupación das UCI dos hospitais galegos continúa en aumento e son xa 228 as persoas con covid-19 que precisan coidados intensivos, 18 máis que hai 24 horas, período no cal se detectaron outros 1.500 contaxios de coronavirus, 1.259 a través de positivo en proba PCR. Así se desprende da actualización dos datos da pandemia publicados pola Consellería de Sanidade con información solicitada ata as 18,00 horas do venres 29 de xaneiro.

Ata ese momento, durante as 24 horas anteriores, Sanidade descubrira 1.492 contaxios de covid-19 a través de calquera tipo de proba diagnóstica. Os postivos por PCR foron un total de 1.259 das 13.890 probas practicadas, o que supón unha positividade do 9,4%, de novo dobrando o limiar que marca a OMS para dar por controlada a pandemia.

Pero o foco continúa na situación nos hospitais, onde este sábado baixa o total de ingresados aínda que en aumenta, practicamente nos mesmos termos, o número de pacientes que necesitan coidados intensivos. Así, as áreas sanitarias notificaron un total de 1.312 persoas con diagnóstico covid-19 ingresadas, o que supón 19 menos que 24 horas antes. Con todo, as UCI acollen a 18 persoas máis respecto ao día anterior e marcan novo teito da pandemia con 228.

Na análise por distritos, Lugo é a única por baixo da centena de hospitalizados, aínda que soben ata os 78 (+6), con 21 deles en UCI (+5). Tamén na área de Lugo se detectaron 179 contaxiados e queda cun total de 2.121 positivos (+112).

SITUACIÓN “PREOCUPANTE”

O xerente do Sergas, José Flores, admite a situación “preocupante” pola incidencia da Covid-19 e o aumento da presión hospitalaria, aínda que afirma que Galicia ten aínda “capacidade de crecemento” para atender a pacientes críticos, cifrando nunhas 785 as camas que se poderían usar entre hospitais públicos e privados.

“Preocúpanos en xeral a ocupación hospitalaria”, afirma o xerente do Sergas ao ser preguntado sobre a situación nas unidades de coidados intensivos (UCI). Sobre as áreas sanitarias, alude, en particular, á da Coruña. “Quizais a máis comprometida”,apunta .

ÚLTIMAS

O Concello de Lugo modifica horarios de traballadores e instalará paneis especiais nas escolas infantís pola calor

O pleno ordinario de xuño do Concello de Lugo abriuse este luns coa intervención...

Lara Méndez, “tranquila” ante a situación de José Tomé nas primarias: “Cando detectamos un problema, dámoslle solución, non coma o PP”

A secretaria de Organización do PSdeG, Lara Méndez, dixo estar "tranquila" ante a situación do...

A Ofrenda do Antigo Reino de Galicia celébrase en Lugo por primeira vez como Ben de Interese Cultural

A cidade de Lugo acolle este domingo, 29 de xuño, unha nova edición da...

A Fiscalía pide 20 anos de prisión para un home acusado de violar dúas veces a unha muller en Lugo

A Audiencia Provincial de Lugo acollerá os días 3 e 4 de xullo o...