A borrasca ‘Hortensia’ deixou ao seu paso por Galicia na madrugada do venres ventos que superaron os 110 quilómetros hora tanto en puntos da costa como do interior da comunidade, segundo recollen os medidores de Meteogalicia. En puntos por riba dos 900 metros, os refachos rozaron os 120 km/h. Foi o caso de Muras ou de Cervantes.

O refacho máximo da madrugada, na que toda Galicia permaneceu en aviso laranxa por vento, alerta que se manterá ao longo do día; rexistrouse en Xares –A Veiga– con 139,2 quilómetros hora, seguidos polo 134 km/h captados na cabeza de Manzaneda.

Pero o forte vento afectou a case toda a xeografía galega, tanto en puntos da costa —en Malpica chegouse aos 111,5 quilómetros hora–, como o interior, onde houbo refachos máximos de 126,5 quilómetros hora en Fornelos de Montes ou de 111,6 km/h en Avión.

Please wait while you are redirected...or Click Here if you do not want to wait.