InicioSociedadeOs produtos e servizos das Terras do Miño e dos Ancares terán...

Os produtos e servizos das Terras do Miño e dos Ancares terán unha marca propia

A Deputación impulsará esta distinción para remarcar a procedencia e calidade de bens agroalimentarios, artesanais ou servizos turísticos.

PUBLICADA O

- Advertisement -

O Pazo de San Marcos acolleu este xoves un encontro entre os órganos reitores das Reservas da Biosfera Terras do Miño e Os Ancares Lucenses e Montes de Cervantes, Navia e Becerreá, ambas as dúas xestionadas pola Deputación. A reunión, na que se realizou un balance das actividades deste 2020, tamén serviu para abordar proxectos futuros. Entre eles, a creación dunha marca diferenciada para os produtos e servizos de cada unha das reservas.

Esta distinción visibilizará e marcará a procedencia, profesionalidade e calidade dos bens comercializados, o que suporá “un salto cualitativo importante para o desenvolvemento sostible destes territorios e, polo tanto, para fixar poboación”.

As dúas marcas – Reserva da Biosfera Terras do Miño e Reserva da Biosfera Os Ancares Lucenses– xa están rexistradas na Oficina Española de Patentes e Marcas (OEPM). Agora, a Deputación empezará a traballar nun regulamento consensuado cos produtores e empresarios que desexen empregar este distintivo na etiquetaxe dos seus produtos e servizos.

Esta marca tamén lles permitirá empregar o distintivo xenérico de Reservas da Biosfera Españolas, que destaca e diferencia todos aqueles produtos naturais e artesanais dos territorios recoñecidos como Reservas da Biosfera en España, actuando como unha marca paraugas que as aglutina a todas.

A marca estará orientada aos produtos agroalimentarios e artesanais de calidade, pero tamén se poderá aplicar a servizos turísticos (aloxamentos, restauración ou empresas turísticas) que poden á súa vez crear sinerxías cos produtores locais, promovendo unha imaxe integral de calidade de produtos e servizos nas Reservas da Biosfera.

ÚLTIMAS

Os Andares, un proxecto de inmersión sonora para redescubrir os Ancares

Os Andares, un proxecto artístico-inmersivo sobre a memoria emocional dos territorios, presenta seis viaxes...

Suspendido o xuízo contra un home acusado de ameazar a dúas persoas cunha escopeta

O xuízo oral contra un home acusado dun delito de tenencia ilícita de armas...

A compañía de teatro do Campus de Lugo galardoada na mostra de ‘Teatro Joven’ de Donostia

Deixando a pel da compañía de teatro universitario USC- Lugo obtivo o premio á mellor...

O PPdeG demandará “máximo rigor” na tramitación da planta de biometano de Coeses, en Lugo

O portavoz do Grupo Parlamentario Popular, Alberto Pazos, acompañado dos deputados lucenses Encarna Amigo,...