- Advertisement -
O positivo dun alumno do Centro de Formación do Servizo de Audiovisuais dependente da Deputación de Lugo obrigou a suspender a actividade presencial na aula á que asistía a persoa contaxiada e a iniciar un cribado con probas PCR á os seus compañeiros, profesores e persoal de conserxería.
En total, segundo detallou este domingo o goberno provincial de Lugo, levarán a cabo un total de 22 probas ao longo deste luns, xornada na que o centro estará clausurado para levar a cabo tarefas de desinfección.
A deputación sinala que o positivo foi coñecido este sábado e que as medidas adoptadas son acordes ás esixidas polas autoridades sanitarias sendo mesmo “reforzadas” con base en criterios propios deseñados pola institución provincial.
