InicioSociedadeLugo rexistra dez veces máis desafiuzamentos ca denuncias por ocupación ilegal

Lugo rexistra dez veces máis desafiuzamentos ca denuncias por ocupación ilegal

No que levamos de 2020, os xulgados da provincia recibiron oito casos de ocupación, a metade ca no mesmo período do ano anterior. No entanto, este ano practicáronse 78 lanzamentos. A diferenza entre unhas e outras cifras derruba a alarma social creada arredor dos 'okupas'.

PUBLICADA O

- Advertisement -

Os rexistros oficiais desmontan a alarma creada arredor da ocupación ilegal en Lugo. Fronte a declaracións que botaban leña contra o suposto problema da ‘okupación’ na cidade, as estatísticas do Tribunal Superior de Xustiza de Galicia amosan que a realidade é outra. Fican cuestionadas, polo tanto, actuacións coma a da empresa lucense que ofrece servizos de desaloxo ou outras da Xunta de Galicia, que considerou necesario poñer en marcha un teléfono ‘antiocupación’ para resolver unha problemática supostamente “crecente”.

A información que manexa o Tribunal Superior de Xustiza de Galicia non avala esa cortina de fume e pon de relevo que a problemática da vivenda en Lugo é outra moi distinta á da ocupación: no que vai de ano, os desafiuzamentos case multiplican por dez as denuncias interpostas por presenza de ‘okupas’.

Entre o 1 de xaneiro e o 30 de setembro, os xulgados da provincia ingresaron oito denuncias por ocupación ilegal, fronte ás 16 do mesmo período do 2019, o que supón un descenso do 50% en termos interanuais. No terceiro trimestre deste 2020 tan só houbo unha denuncia deste tipo en Lugo en casos en que os propietarios son persoas físicas, entidades sen ánimo de lucro ou entidades públicas posuidoras de vivenda social.

Pola contra, as cifras de desafiuzamentos son bastante máis elevadas. Entre xullo e setembro houbo 28 lanzamentos, dos cales 26 foron consecuencia de procedementos derivados da Lei de arrendamentos urbanos (LAU); é dicir, por falta de pagamento do alugueiro. Se tomamos como referencia o período abranguido entre o 1 de xaneiro e o 30 de setembro, en Lugo practicáronse 78 lanzamentos de vivendas alugadas ou hipotecadas (9’75 veces máis ca denuncias por ‘okupas’).

ÚLTIMAS

Colisión frontal en Lugo deixa tres persoas hospitalizadas

Tres persoas resultaron feridas e unha delas tivo que ser excarcerada tras unha colisión...

O Concello de Lugo reclama á Xunta a recuperación inmediata do antigo cuartel de San Fernando

O Concello de Lugo reclamou á Xunta que execute de inmediato a recuperación do...

A Deputación de Lugo impulsa unha campaña para apoiar ás familias na volta ao cole

A Deputación de Lugo e a Federación Galega de Comercio lanzaron este venres na...

Sorprenden un home roubando unha bicicleta rompendo a cadea cun machete en Lugo

Axentes da Policía Local de Lugo sorprenderon na mañá do xoves a un home...