InicioSociedadeA área de Lugo rexistra 69 novos positivos e alcanza os 1.100...

A área de Lugo rexistra 69 novos positivos e alcanza os 1.100 casos activos

A área de Lugo é a única na que non se reduce o número de persoas ingresadas, que se mantén en 59 (cinco na UCI).

PUBLICADA O

- Advertisement -

O número de casos activos por coronavirus na provincia de Lugo aumenta ata os 1.100, 29 máis ca onte, segundo o reconto ofrecido este luns polo Servizo Galego de Saúde (Sergas). Porén, medra o ritmo de contaxios: nas últimas 24 horas confirmáronse 69 novos positivos a través de PCR.

Do total de contaxiados, 59 persoas permanecen hospitalizadas (igual ca onte). De feito, a área sanitaria lucense é a única na que non se reduce o número de persoas ingresadas. O Hospital Universitario Lucus Augusti (HULA) atende 34 pacientes en planta e cinco na UCI (un menos); o da Mariña coida de 13; e o de Monforte, de 6.

Por outra banda, no histórico da provincia documéntanse 115 falecementos relacionados coa pandemia. O último notificouno onte Sanidade e tratábase dunha nonaxenaria que estaba ingresada no HULA. 

Ademais, ata o momento curáronse 4.339 pacientes e fixéronse 94.225 PCR, o que implica que na última xornada se realizaron 734 probas, case un centenar menos ca o día previo.

GALICIA

No conxunto da comunidade galega aumentan a 501 os positivos diarios e dispáranse especialmente na área da Coruña, que sumou 122 novos casos. Con todo, os casos activos descenden lixeiramente (nove menos ca na xornada anterior) e sitúanse nos 9.051.

A Consellería de Sanidade tamén refire un ascenso no número de hospitalizacións. Un total de 102 persoas continúan en terapia intensiva na UCI, mentres que 476 están ingresadas en planta.

ÚLTIMAS

Carlos Blanco será o pregoeiro da XXIX Festa do Queixo de San Simón

Vilalba acolle esta fin de semana unha nova edición, e xa van vinte e...

Ofertan 100 prazas para labores de panadaría nunha compañía do sector da alimentación de Lugo

Adecco publicou este mércores unha oferta de emprego de 100 prazas para labores de panadaría nunha compañía...

Dous cabalos soltos en pleno centro de Lugo

A Policía Local de Lugo informou de que, o pasado 28 de marzo, localizou na Avenida...

Ferido un neno despois de ser atropelado en Baralla ao baixar do autobús escolar

Un neno resultou ferido este xoves ao sufrir un atropelo en Baralla. Segundo informou...