A pesar de que as cifras de contaxios e casos activos comezan a deixar oco á esperanza, a Consellería de Sanidade informa doutras 17 mortes relacionadas coa pandemia en Galicia, catro delas na área sanitaria de Lugo. Estes datos corresponden tamén ao reconto da fin de semana realizado por Saúde Pública e que hoxe se suman aos do sábado e domingo tras comprobar que faleceran por Covid-19.

Na área de Lugo, as catro vítimas eran mulleres. Trátase de tres donas de 90, 96 e 89 anos que faleceron no HULA (unha delas vivía na residencia San Salvador de Guntín) e outra muller de 96 anos que finou no Hospital da Mariña, procedente da residencia San Cibrao (Cervo).

A provincia alcanza así a cifra de 114 persoas falecidas dende o inicio da pandemia, mentres que no conxunto da comunidade galega xa finaron 1.086 persoas diagnosticadas con Covid-19.