A Deputación de Lugo achegará á Asociación de Promoción e Integración Xitana 12.000 euros para a rehabilitación de nove vivendas, segundo informa o ente provincial.

O presidente do organismo provincial, José Tomé Roca, firmou o convenio co presidente deste colectivo, Manuel Vila López. O programa supón a contratación dun monitor de albaliñería, que forma, dirixe e coordina a familias de etnia xitana para que poidan realizar os traballos de reforma das súas vivendas. “E, ao mesmo tempo, facilitar a inserción laboral grazas á aprendizaxe deste oficio”, sinala a Deputación de Lugo nun comunicado.