InicioSociedadeVehículos non tripulados para combater a COVID-19

Vehículos non tripulados para combater a COVID-19

É unha das principais novidades da nova edición de captación de proxectos da aceleradora denomina BFAero.

PUBLICADA O

- Advertisement -

Unha aceleradora do poro aeroespacial da Xunta, situado no aeródromo de Rozas, en Lugo, busca ideas innovadoras para combater a pandemia da covid-19 a través de solucións con vehículos non tripulados.

É unha das principais novidades da nova edición de captación de proxectos desta aceleradora, que se denomina BFAero e que inclúe a membros da Xunta (Igape, XesGalicia e Gain), empresas como Indra e Babcock, o Centro Tecnolóxico de Automoción de Galicia e un “ecosistema aberto” do que forman parte as universidades galegas, centros tecnolóxicos e o Consorcio Aeronáutico de Galicia.

En “pleno proceso” de captación da súa terceira convocatoria, este programa de emprendemento seleccionará sete novos proxectos e reivindica así por terceiro ano consecutivo a súa “firme aposta” pola atracción de talento no sector dos drones e os vehículos non tripulados desde Galicia.

As candidaturas poderán chegar de toda España e a nivel internacional. As empresas, entidades e ‘startups’ poderán presentar as súas candidaturas para os programas de incubación e aceleración ata o próximo 22 de outubro ás 14,00 horas.

BFAero xa impulsa doce proxectos chegados de centros tecnolóxicos, universidades e ‘spin-out’ empresariais nas súas dúas primeiras convocatorias: nove deles galegos e tres do resto de España.

SETE NOVAS IDEAS

Nesta terceira convocatoria escollerá sete novas ideas, tres para o seu programa de incubación e catro para o de aceleración. Nas dúas primeiras edicións do programa, un total de 94 candidaturas optaron ás doce prazas finais.

“BFAero ofrece aos seus proxectos acelerados un completo plan para o desenvolvemento e lanzamento do seu produto no mercado local, nacional e internacional, cunha duración total de 12 meses tanto para a etapa de incubación como para a de aceleración”, segundo explica.

Así, as ideas que sexan seleccionadas terán á súa disposición tutorías e mentorización con expertos no sector, ademais de acceso ás instalacións do aeródromo de Rozas e aos equipos da iniciativa.

Tamén contarán con oficina propia e espazos para realizar coworking e recibir unha completa formación en todos os aspectos que afecten o seu plan de negocio nas instalacións da Fundación CEL-iniciativas por Lugo, onde se atopa o equipo xestor de BFAero.

Os proxectos contarán ademais con asesoramento tecnolóxico e acceso a potenciais clientes de ámbito internacional. Poderán dispor de UAVs de Indra e Babcock de forma gratuíta, horas de voo bonificadas e a opción de obter a certificación de piloto de drones.

ÚLTIMAS

Enrique Rozas renuncia por “asuntos persoais e familiares” á súa acta de concelleiro no Concello de Lugo

O edil do PP no Concello de Lugo, Enrique Rozas, anunciou este luns en rolda de prensa...

O TSXG anula os servizos mínimos da Xunta para a folga de limpeza en Lugo de 2023

A sección primeira da Sala do Contencioso-Administrativo do Tribunal Superior de Xustiza de Galicia...

Interceptado un condutor borracho que fuxiu tras ter un accidente cun neno no asento dianteiro

Un condutor foi interceptado tras verse implicado nun accidente de circulación na confluencia da Avenida...

O PP presentará dúas iniciativas no Senado para reclamar ao Goberno a chegada da alta velocidade

O PP lucense anunciou este luns en Lugo que presentará dúas iniciativas no Senado...