InicioSociedadeA biotecnolóxica ICM, con sede en Lugo, podería procesar ata 3.000 tests...

A biotecnolóxica ICM, con sede en Lugo, podería procesar ata 3.000 tests de coronavirus cada día

O Instituto de Estudos Celulares e Moleculares é o único laboratorio privado de Galicia validado polo Instituto Carlos III para realizar probas PCR do SARS-CoV-2. Chegou a procesar 1.000 diagnósticos diarios para a sanidade pública durante o pico da pandemia.

PUBLICADA O

- Advertisement -

O Instituto de Estudos Celulares e Moleculares (ICM), con sede en Lugo, é o único laboratorio privado de Galicia validado polo Instituto de Salud Carlos III (ISCIII) de Madrid para realizar probas PCR do coronavirus. Se xa chegou a facer 1.000 test diarios para a sanidade pública durante o pico da pandemia, agora esta compañía aumenta a súa capacidade e poderá procesar ata 3.000 probas diarias para diagnosticar a COVID-19.

Este laboratorio de xenética afrontou un investimento de máis dun millón de euros en tecnoloxía para incrementar a súa capacidade diagnóstica. A compañía vén de incorporar dous robots de última xeración, que se suman a outros dous anteriores, que lle permiten estar “preparada” por se fose preciso volver reforzar a sanidade pública ante un rebrote da COVID-19 no futuro.

ICM traballou para o Sergas, pero tamén para os servizos de saúde de Madrid ou das Illas Canarias co apoio do Laboratorio de Produción Animal de Galicia (Lapasaga). “Cando o Sergas necesitou capacidade de produción por falta de medios propios chamounos e propúxonos montar a detección da COVID-19 para reforzar as áreas sanitarias de Lugo, Ourense e Ferrol”, lembra Alfonso Alba, director xeral. “Ás 48 horas da solicitude  fomos capaces de empezar a producir ata 500 tests diarios. Unha semana despois, canda o Lapasaga, os diagnósticos procesados xa ascendían ata os 3.000.

ÚLTIMAS

A Deputación de Lugo culpa á Xunta de “incumprir” o proceso de estabilización e esixe o fin da “temporalidade”

O pleno da Deputación Provincial de Lugo aprobou este martes unha moción do Grupo Provincial Socialista...

Adega denuncia que a captación de auga para Altri provocará “problemas de abastecemento”

A Asociación para a Defensa Ecolóxica de Galiza (Adega) censura a solicitude de captación...

Remite o temporal que deixa moita neve, inundacións e estradas cortadas en Lugo

Os efectos do temporal remitiron nas últimas horas en Galicia, cun descenso no volume de precipitacións...

A neve dificulta a circulación en Lugo e os camións non poden circular pola LU-633 en Pedrafita do Cebreiro

A caída de neve dificultou a circulación na provincia de Lugo e, en concreto,...