A Deputación de Lugo incorporouse este mércores á Rede de Destinos Turísticos Intelixentes (DTI), a iniciativa posta en marcha polo Goberno de España para consolidar a competitividade do sector turístico.
O Ministerio de Industria, Comercio e Turismo celebrou este mércores a Comisión Executiva da Rede de Destinos Turísticos Intelixentes, onde se expuxeron as principais liñas de acción do Plan de Recuperación do Turismo que está a desenvolver o Ministerio para paliar o impacto da COVID-19 no sector.
Neste sentido, está a traballarse para mellorar e adaptar a metodoloxía de Diagnóstico de Destinos Turísticos Intelixentes e as recomendacións do Plan de Acción, co obxectivo de incorporar cuestións vinculadas á situación sobrevinda, como futuras accións de comunicación, reposicionamento en mercados ou apoio ao emprego.
Así mesmo, está a deseñarse un plan de formación e capacitación para os seus membros -centrado en ferramentas dixitais, cuestións de hixiene, análise de segmentos e capacidades analítica– que permita reforzar capacidades na contorna post coronavirus. Durante as últimas semanas creouse unha canle “Rede DTI covid-19” en Padlet para compartir información e boas prácticas, organizado webinarios e tutoriales, entre outras accións.
En Comisión Executiva incorporáronse outros 16 novos destinos, co que o número de membros da rede elévase a 121.
