InicioSociedadeO tráfico da Rolda da Muralla, restrinxido a un só carril para...

O tráfico da Rolda da Muralla, restrinxido a un só carril para facilitar os paseos

Este percorrido é un dos máis empregados polos lucenses para practicar deporte ou pasear durante estas primeiras saídas, polo que agora disporán de maior espazo para garantir a distancia de seguridade.

PUBLICADA O

- Advertisement -

O Concello de Lugo pechará ao tráfico un carril da Rolda da Muralla debido ao elevado número de persoas que estes días utilizan esta zona para pasear. 

Segundo o tenente de alcalde e responsable da área de Mobilidade, Rubén Arroxo, esta medida pretende “facilitar que as persoas que deciden pasear pola Rolda poidan manter a distancia de seguridade, ao habilitar un novo paseo peonil de 2’5 quilómetros no centro de Lugo“.

Arroxo sinala que a Rolda da Muralla foi un dos percorridos máis utilizados para practicar deporte ou pasear durante estes primeiros días de saídas controladas. Ademais, afirmou que “a peonalización dun carril non producirá conxestión no tráfico debido á redución do mesmo”.

Do mesmo xeito, o Concello lembra a recomendación de camiñar pola Muralla no mesmo sentido ca o tráfico ou respectar a medida de pasear pola beirarrúa dereita, co gallo de garantir as distancias de seguridade.

ÚLTIMAS

Incendio nunha empresa de colchóns de Palas de Rei mobiliza un amplo operativo de emerxencias

Os servizos de emerxencias traballan na extinción dun incendio iniciado no exterior do recinto...

A Xunta só dá 10 días para consultar o expediente de Altri a 75 persoas interesadas

A Consellería de Economía e Industria recoñeceu a 75 persoas como interesadas no proxecto...

O PP lucense esixen a Tomé unha repartición “igualitaria” dos convenios da Deputación

Alcaldes e concelleiros do Partido Popular dos 67 concellos lucenses concentráronse este venres ante...

Dous detidos por estafar máis de 30.000 a unha empresa de Lugo

A Garda Civil de Lugo identificou a dous veciños de Cataluña que supostamente estafaron...