InicioSociedadeSegue a estabilización da pandemia en Lugo, con menos pacientes na Uci

Segue a estabilización da pandemia en Lugo, con menos pacientes na Uci

A provincia rexistrou 590 casos activos por coronavirus, un menos ca na xornada anterior.

PUBLICADA O

- Advertisement -

Os datos que ofrece Sanidade en relación aos casos activos por coronavirus na provincia de Lugo afianzan a tendencia á estabilización da pandemia. Segundo a última actualización, a área sanitaria rexistra 590 positivos, un menos ca na xornada de onte. Asemade, contabilízanse menos doentes de COVID-19 ingresados nas UCI.

O pasado luns eran doce as persoas que estaban a ser atendidas nas Unidades de Coidados Intensivos da provincia, pero tras dúas altas na Mariña e outra no HULA agora xa só hai nove pacientes graves. Estas persoas pasarían agora a engrosar as listas de persoas hospitalizadas en planta, un total de 43 (catro máis ca onte).

Por outra banda, o Sergas tamén informa de que hai 538 persoas contaxiadas baixo atención domiciliaria.

Ademais, nas últimas horas déronse tres novas altas, de maneira que xa se confirma a recuperación de 103 persoas que pasaron polo coronavirus na provincia. Na outra cara de moeda, foron 20 os doentes finados por esta enfermidade, sen que houbera ningunha morte nos últimos dous días.

GALICIA

Á súa vez, na comunidade galega xa se contan 1.240 altas (54 máis ca o luns), mentres que o número de positivos aumenta ata os 5.973 (+34). Isto supón un incremento do 0,5% respecto do día anterior. Podes ler máis información no Galicia Confidencial.

ÚLTIMAS

Carlos Blanco será o pregoeiro da XXIX Festa do Queixo de San Simón

Vilalba acolle esta fin de semana unha nova edición, e xa van vinte e...

Ofertan 100 prazas para labores de panadaría nunha compañía do sector da alimentación de Lugo

Adecco publicou este mércores unha oferta de emprego de 100 prazas para labores de panadaría nunha compañía...

Dous cabalos soltos en pleno centro de Lugo

A Policía Local de Lugo informou de que, o pasado 28 de marzo, localizou na Avenida...

Ferido un neno despois de ser atropelado en Baralla ao baixar do autobús escolar

Un neno resultou ferido este xoves ao sufrir un atropelo en Baralla. Segundo informou...