InicioSociedadeConfirmado o primeiro positivo por coronavirus na residencia San Vitorio de Baralla

Confirmado o primeiro positivo por coronavirus na residencia San Vitorio de Baralla

A persoa con COVID-19 traballa neste centro de titularidade privada. No conxunto da provincia, Política Social confirma 36 casos activos nas residencias de maiores e outros 33 nos Centros de Atención a Persoas con Discapacidade.

PUBLICADA O

- Advertisement -

A Consellería de Política Social confirmou este mércores o primeiro positivo entre o cadro de persoal da Residencia San Vitorio, en Baralla. Trátase dun centro de titularidade privada xestionado pola empresa Fundación San Rosendo.

Dita compañía ocúpase dunha morea de centros de atención a maiores e persoas con discapacidade en Galicia. Entre eles, xestiona algunhas das residencias con maior número de positivos por COVID-19, como é o caso da residencia Nosa Señora da Esperanza, en Ourense (141 infectados) ou a Divino Maestro, tamén nesa provincia (54 contaxiados).

DATOS PARA A PROVINCIA

No que respecta ao conxunto de Lugo, a última actualización de datos ofrecidos pola Xunta xa contabiliza 36 casos activos nas residencias de maiores (15 usuarios e 21 anciáns). Os focos máis importantes localízanse na residencia de maiores de Foz (con doce positivos) e na DomusVi de Monforte, onde hai sete persoas infectadas.

Ademais, tamén hai casos activos por coronavirus nas residencias de Castro Ribeiras de Lea (3), DomusVi de Chantada (1), na Betania de Viveiro (3), na Vivenda Avime de Cospeito (2), no Mirador do Eo en Ribadeo (2), na residencia de Burela (2), na das Gándaras e na da Milagrosa en Lugo (1 en cada unha) e na San Rafael de Mondoñedo (1).

En canto aos Centros de Atención a Persoas con Discapacidade, a Xunta informa de trece positivos entre os usuarios e outros 20 entre os traballadores.

ÚLTIMAS

Morre un home tras ser rescatado inconsciente dun río en Chantada

Un home faleceu na tarde deste martes tras ser rescatado inconsciente no embarcadoiro de...

Así quedou restaurado o mural de Lugo por Palestina tras ser atacado

"O pasado domingo 14 rematouse de pintar un mural en apoio a Palestina e...

Dous homes investigados por pescar troitas con electricidade no río Rodil

A Garda Civil investiga a un veciño da Fonsagrada, de 72 anos, e a...

Detidos dous veciños de Lugo acusados de roubar 200 quilos de cobre nunha empresa

A Garda Civil detivo en Vilalba a dous veciños de Lugo acusados de roubar 200 quilos...