O Hospital Universitario Lucus Augusti (HULA) xa puxo en marcha o sistema de detección de coronavirus a través da ventá dos vehículos, sen que o paciente teña que baixar. Trátase dunha modalidade de test rápido implantada no Hospital do Meixoeiro de Vigo durante esta semana e que o Sergas decidiu trasladar ao resto de áreas sanitarias.
O sistema funciona con cita previa, baixo prescrición médica, pero a idea é axilizar o proceso de recollida de mostras a domicilio. Ademais, esta vía supón un menor gasto de EPIs (Equipos de Protección Individual), xa que cada visita a unha vivenda implicaba un cambio completo do material empregado. Agora, os profesionais empregarán un único equipo por quenda, sen ter que mudalo para atender a cada paciente.
Na actualidade, este test xa funcionan en Vigo, Ourense e Lugo. Está previsto que este venres empece na Coruña e Pontevedra, e o luns, en Santiago e Ferrol. Podes ler a información completa no Xornal de Vigo.