InicioSociedadeOs destinos máis probables para Pilar de Lara serían Cataluña ou Canarias

Os destinos máis probables para Pilar de Lara serían Cataluña ou Canarias

O avogado da xuíza, Agustín Azparren, asegurou que De Lara reduciu a "unha cuarta parte" as case 90 causas sobre as que traballa "co fin de evitar máis prexuízos". Así mesmo, tamén avanzou que recorrerán a decisión do Supremo coa esperanza de que se rebaixe a sanción e non implique perda de destino.

PUBLICADA O

- Advertisement -

O avogado da xuíza Pilar de Lara, Agustín Azparren, manifestouse acerca da decisión do Supremo de apartar a maxistrada do Xulgado de Instrución nº1 de Lugo. Confirmou que recorrerán esta resolución, coa esperanza de que se rebaixe a sanción, de maneira que non implique perda de destino. Nas condicións actuais, Pilar de Lara tería que entrar en concurso e os postos máis probables levaríana a Cataluña ou Canarias.

Agustín Azparren destacou que a maxistrada reduciu a unha “cuarta parte” as “80 ou 90” causas sobre as que traballa para “deixar as investigacións” practicamente finalizadas “co fin de evitar máis prexuízos a este tipo de procesos”.  Son “causas de especial dedicación que levan moito máis tempo” xa que, entre outras, atópase a ‘Operación Carioca‘, a ‘Pokémon‘ o caso Garañón.

EXPLORARÁN TODAS AS POSIBILIDADES

Na súa intervención, Agustín Azparren asegurou que á xuíza aínda lle queda unha última oportunidade despois de que o Tribunal Supremo desestimase o recurso sobre a suspensión da execución da sanción de sete meses e un día -que implica perda de destino- que lle impuxo o Consello Xeral do Poder Xudicial (CXPX) por dilacións indebidas.

En concreto, indicou que “aínda queda un recurso de reposición ante o mesmo Supremo“, para o que hai “un prazo de cinco días para presentalo”. Con todo, avisa de que “normalmente este tipo de recursos desestímanse porque é o mesmo tribunal e os argumentos xa os expuxemos”.

“O que pasa neste caso é que existe un documento que chegou despois de presentar as medidas cautelares, que é a certificación do acordo do pleno do Consello Xeral do Poder Xudicial”, explica o avogado. Segundo indicou, este certifica a deliberación que houbo para chegar á sanción no pleno e “é importante polo que di”. Así, indicou que “se resolveu en moi pouco tempo un expediente que ten 5.000 folios” e contempla “as alegacións que se fan por parte dalgún vogal (do Consello Xeral do Poder Xudicial) recoñecendo parte dos argumentos do recurso, co cal queda este último recurso (de reposición)”.

AS PRAZAS QUE NINGUÉN QUERE

O avogado, que advirte que se podería resolver nun ano, explica que, ao pasar de sete meses e un día a sanción leva a perda de destino. Por iso, sinala que a maxistrada “tería que concursar”. “E nese concurso vai a última, a última no escalafón e o normal é que agora mesmo as prazas que adoitan quedar para o final, as que menos peticións teñen, son Cataluña ou Canarias”, indicou.

Agustín Azparren considerou que “o normal” é que lle toque un destino “a máis de 1.000 quilómetros de onde estea” coa “repercusión” que iso leva para a vida familia e persoal. Por iso, explicou que “o argumento principal” do recurso é que a medida “sería irreversible” se despois o Tribunal Supremo estima o recurso parcialmente e o reduce a cinco meses (tempo que non levaría aparellada a perda de destino).

ÚLTIMAS

Denuncian o estado ruinoso dunha ponte medieval, paso de peregrinos

Alertados por uns veciños, dende o Colectivo Patrimonio dos Ancares acaban de comunicar á...

Descubrindo o cemiterio de San Froilán

Os cemiterios son unha desas infraestruturas que resulta imprescindible para calquera cidade. Cada vez os...

(Vídeo) Así quedou unha mámoa protexida en Navia de Suarna, cun gran buraco de case medio metro de profundidade

As asociacións solicitan ante a Dirección Xeral do Patrimonio Cultural que se realice unha...

O BNG insta o Senado a rexeitar o proxecto de Altri tras o “clamor social” manifestado en Palas de Rei

A senadora do BNG, Carme da Silva, defenderá esta semana unha moción no pleno da Cámara...