A Policía Nacional de Lugo auxiliou a unha menor de 15 anos que trataba de suicidarse tras inxerir pastillas, polo que a trasladaron a un centro sanitario.

Segundo relatou a Policía Nacional, tras o aviso do servizo do 112 para acudir ao paseo do Río Miño onde unha moza inxerira pastillas coa intención de suicidarse, axentes desprazados ao lugar comprobaron que se trataba dunha menor de 15 anos.

As mesmas fontes indicaron que a moza inxerira “algún tipo de comprimido”, polo que foi trasladada “de forma inmediata”, destacan as mesmas fontes, polo 061 co acompañamento dunha dotación policial ao hospital.

Por outra banda, no marco dos recentes servizos humanitarios da Policía Nacional de Lugo, este corpo apuntou que por tentativa de suicidio tamén a fin de semana recibiu a chamada dunha muller que indicou que a súa nai, duns 49 anos de idade, inxerira pastillas coa intención de quitarse a vida.

Deste xeito, “de forma inmediata”, subliñaron as mesmas fontes, se presentou unha dotación policial no domicilio que, xunto cos servizos sanitarios, comprobaron que a persoa se atopaba en estado ebrio e non era “posible valorar a inxesta de ningún tipo de medicamento”. Por todo iso, foi trasladada ao Hospital Universitario Lucus Augusti de Lugo (HULA) para a súa valoración.