Durante cinco semanas será posible descubrir a exposición “Soños” de Manuel Pérez Villar, pintor autodidacta nado en Navia de Suarna, que leva debuxando dende moi neno, e pintando óleo sobre lenzo dende os vinte anos.
Hoxe ás 19h00 será a inauguración, na que tamén participará o escritor naviego Toño Núñez.
Os cadros de Manuel “mesturan o realismo co impresionismo e co romanticismo, tendo participado en diversas exposicións en Navia de Suarna e en Lugo, e tamén nalgunha exposición colectiva. As obras que conforman esta exposición reflicten as paisaxes da montaña dos Ancares, as súas noites, que quizás sexan as máis representativas do sentir do autor, e que queren trasladar a quen as contempla a beleza e o sentimento que nos envolve nese entorno tan especial e tan fermoso”.
