InicioPolíticaA Deputación de Lugo investirá máis de 1,2 millóns para mellorar tres...

A Deputación de Lugo investirá máis de 1,2 millóns para mellorar tres estradas provinciais

PUBLICADA O

- Advertisement -

A xunta de goberno da Deputación de Lugo aprobou este venres investimentos de máis de 1,2 millóns de euros para mellorar tres estradas da rede provincial. En concreto, tal como informou a portavoz socialista, Pilar García, o ente local licitou unha obra para acondicionar un novo tramo do Cinto Comarcal ao seu paso polos concellos de Friol, Outeiro de Rei e Begonte; o inicio da LU-P-1702 que conecta Cospeito Feira do Monte e Fontefría; e un tramo da LU-P-2913 que comunica Lugo e Guntín.

Así, o investimento na renovación do firme da LU-P-1611, coñecida como Cinto Comercal, ascende a 900.000 euros. Ademais, destinaranse 112.000 euros a rehabilitar o firme na LU-P-1702 e outros 240.000 euros á LU-P-2913.

CONTRATOS

A xunta de goberno tamén aprobou o Plan Anual de Contratación para este 2024, prevendo sacar adiante contratos por un importe total que supera os 33 millóns de euros, “unha cifra, en todo caso, estimativa”, explicou a Deputación nun comunicado.

Pilar García tamén informou da licitación, por máis de 1,3 millóns, de catro lotes para a subministración de servizos e equipamentos tecnolóxicos que a Deputación proporcionará de forma gratuíta aos 52 concellos da provincia que decidiron adherirse ao programa Impulsa TIC.

ÚLTIMAS

A Deputación de Lugo culpa á Xunta de “incumprir” o proceso de estabilización e esixe o fin da “temporalidade”

O pleno da Deputación Provincial de Lugo aprobou este martes unha moción do Grupo Provincial Socialista...

Adega denuncia que a captación de auga para Altri provocará “problemas de abastecemento”

A Asociación para a Defensa Ecolóxica de Galiza (Adega) censura a solicitude de captación...

Remite o temporal que deixa moita neve, inundacións e estradas cortadas en Lugo

Os efectos do temporal remitiron nas últimas horas en Galicia, cun descenso no volume de precipitacións...

A neve dificulta a circulación en Lugo e os camións non poden circular pola LU-633 en Pedrafita do Cebreiro

A caída de neve dificultou a circulación na provincia de Lugo e, en concreto,...